Dos ceremonia di naturalisacion teni recien den Conference Center

ORANJESTAD (AAN): Recientemente a tuma luga dos ceremonia di naturalisacion den Renaissance Conference Center na Playa. 

Uno a tuma lugar mainta, y e otro a socede den oranan di atardi.

   Durante e ceremonia di mainta, e naturalisadonan a huramenta of haci promesa den presencia di Gobernador Interino di Aruba, Agustin Vrolijk.

   Durante e ceremonia di atardi, esaki a sosode den presencia di Gobernador Alfonso Boekhoudt. Cu esaki nan ta hura of declara y priminti di ta respeta tur libertad, derecho y obligacion cu ta pertenece na e nacionalidad Hulandes.

   Participacion na e ceremonia di naturalisacion ta e ultimo parti obligatorio di un proceso largo cu ta conduci na obtene e nacionalidad Hulandes. E procedura pa haya nacionalidad Hulandes via opcion of naturalisacion ta inclui den ‘Rijkswet op het Nederlanderschap’.

   E potretnan aki ta pa cortesia di Kabinet Gouverneur van Aruba.