ORANJESTAD (AAN): EPB San Nicolas ta invita henter pueblo di Aruba, studiante actual y futuro,
mayor y tur interesado pa bishita nos Open Avond cu lo tuma lugar riba Diahuebs 23 di April 2026 di 6:00 pm te 9:30 pm.
Durante e anochi aki, tur e bishitantenan lo tin oportunidad pa conoce tur e estudionan cu nos ta ofrece. Cada unit lo tin su propio area cu informacion y exhibicion, unda bo por mira y experimenta algun di e actividadnan practico cu studiantenan ta haci durante nan formacion na scol.
Ademas, lo tin entretenimento, food trucks, doorprizes y otro actividadnan pa disfruta hunto cu
familia y amigo. Bini pasa un anochi interactivo na EPB San Nicolas y descubri bo futuro.
