ORANJESTAD (AAN): Stichting Musica ta recorda tur musico y lider di banda cu e prome reunion relata na
Aruba Caiso & Soca Monarch 2024 lo tuma lugar riba Diadomingo awor, esta 16 di april 2023 pa 1:00 pm na oficina di Plaza Betico Croes.
Tur musico, cantante y lider di banda ta bonbini pa participa na e reunion. Inscripcion pa participa na Aruba Caiso & Soca Monarch 2024 lo habri oficialmente riba e dia aki y Stichting Musica lo duna oportunidad na esnan presente pa trece nan pensamento y sugerencia nan pa dilanti.
Stichting Musica ta motiva pa pone un tremendo festival riba pia, bon organiza manera semper y cu inovacion, creatividad y apoyo di e propio musiconan. Pa e motibo aki, e organizacion ta urgi tur musico y lider di banda pa ta presente diadomingo awor na Plaza Betico Croes .
