Cu varios actividad a observa e di 20 aniversario di Muchila Creativo

ORANJESTAD (AAN): Fundacion Muchila Creativo a celebra recientemente, dia 9 di April 2023, su 20 aniversario.  En coneccion cu e aniversario lo organiza diferente evento y actividadnan henter e aña aki.

   Nan prome actividad a tuma luga dia 13 di April di 9 pa 12.30 or, na unda Fundacion Muchila Creativo a recibi bishita di 12 damanan professional di New Orleans na Merca pa haci trabao voluntario. Nan a ofrece pa asisti Muchila Creativo pa crea un Promotional Video en conneccion cu e 20 aniversario di e Fundacion.  

   E actividad a tuma lugar na Muchila Creativo na unda nan a asisti na diferente tayernan hunto cu e studiantenan di nos Scol Secundario pa hobennan special, entre 15-27 aña.

   Durante e actividad a ofrece e siguiente tayernan, esta Teatro, Arte Visual, Percussion y Trahamento di Chuculati.

   E dia a culmina cu un presentacion di e participantenan adulto y hobennan special, cu un obra cu Popchi, creaccion di arte ariba e T-shirtnan, un demostracion con pa traha chuculati y un Jump up cu live Percussion riba Plaza Nikki Habibe.

   Pronto nan lo ofrece e eventonan y actividadnan cu Muchila Creativo lo ofrece durante e aña aki. Keda pendiente.