ORANJESTAD (AAN): Hues Comisario riba Diahuebs a tuma decision, pa prolonga e detencion di Parlamentario Benny Sevinger.
Esaki a socede despues cu Hues Comisario a revisa e folder y tur detaye relaciona cu e investigacion di Ministerio Publico y LandsRecherche. Esaki tin di haber cu e asina yama ‘Caso Avestruz’ unda Sevinger durante cu e tabata Ministro, lo a actua na forma incorecto pa cu otorgamento di tereno.
Despues di a revisa e folder y scucha Ministerio Publico, Hues Comisario a tuma decision pa prolonga detencion di Benny Sevinger cu 16 dia mas.
