Departamento di Asuntonan Economico a organisa tremendo workshop riba relacionnan publico y marketing

ORANJESTAD (AAN): Departamento di Asuntonan Economico, Comercio y Industria mediante su unidad di Iniciativa pa Desaroyo pa Empresa Arubano (IDEA) a organisa un workshop:

‘Building Resilient Brands: Strategic Communication, Public Relations and Sustainable in Action’ riba 22 di november 2024.

A parti e workshop aki den dos topico:

‘Strategic Communication & Public Relations’ y‘Sustainable in Action’.

            Sra. Ghislaine de Windt-Kemmerling a presenta e prome parti di e workshop. Na final di e sesion aki, sra. Ghislaine a haci un ‘Quiz’ cu e grupo pa wak si nan a comprende e materia presenta y tambe a presenta un par di scenario di ‘Crisis Management’ como un actividad chikito pa nan discuti den grupo.

            Sra. Dae Hereira, cu ta un experto den sostenibilidad y a pone hopi enfasis riba e topico di medio ambiente.

            Durante y despues di e presentacion e oradoranan a contesta tur e preguntanan cu a bin di parti di e participantenan. E contestanan ricibi tabata satisfactorio y comprendibel.

   E workshop aki a tuma luga na Departamento di Asuntonan Economico y a haya un participacion di un total di 20 persona. IDEA ta sumamente contento cu e contenido di e workshop y tambe di e bon comentarionan ricibi di su participantenan na final di e workshop. E contenido tawata sigur hopi informativo y interesante.

   IDEA su eventonan ta dedica na SMEs (Small & Medium Enterprises) y tur cu ta desea di cuminsa of expande un negoshi y cu kier educa nan mes riba diferente topico comercial.