Den pasado a papia di gedwongen consensus, pero awo ‘er is geen consensus’ di parti di Parlamento di Aruba

Delegacion di Aruba na Hulanda

• Monton di informacion haya for di Andy Lee di Raad van State 

ORANJESTAD (AAN): Delegacion di Aruba a reuni cu Sr Andy Lee di  Raad van State cu ta representante di Aruba na Hulanda. Delegacion di MEP tabata presente y parlamentario Shailiny Tromp Lee ta indica cu e reunion tabata uno hopi bon. Riba mesa a bin diferente puntonan pero riba mesa a trata e topico mas cayente actual, esta e Rijkswet.

   E consensus Rijkswet  cu ta un di e topiconan di mas actual y di preocupacion pa e pueblo di Aruba tin su atencion na Hulanda y MEP ta duna tur e informacionnan necesario y corecto riba e parti aki na Hulanda. Pesey mes fraccion di MEP ta presente na Den Haag pa por duna atencion na e topico aki y como parlamentario a presenta e echo cu tin un COHO cu awendia a bira un onderlingeregeling y no mester a bin un Rijkswet mas riba mesa pa Aruba.

   Den e reunion cu Raad van State a presenta tur argumento cu tabatin riba mesa unabes cu COHO a keda baha for di mesa ta conta pa RAft, pero esaki no ta riba mesa mas. Sinembargo e mes un RAft  aki ta conta tambe pa Rijkswet HOFA . Parlamentario Shailiny Tromp Lee a pidi pa bay mas den pasado y pa no lubida e historia y trayecto te cu unda Aruba ta awe.

   Tratando e aspecto di e Rijkswet HOFA  a stress riba e democracia parlamentario nos tur sa cu te dia di awe no tabatin y no tin consensus di parti di parlamento di Aruba y a enfatisa riba e parti aki cu sr Andy Lee di Raad van State.

   Mirando cu Raad van State ta hunga un rol crucial pa loke ta trata e trayecto cu e Rijkswet aki tin cu bay cana, Raad van State ta duna e conseho den direccion di Rijksminister Raad. Parlamentario Shailiny Tromp Lee tin e speransa cu mes un cos cu e conseho di Raad van State tabata asina crucial pa COHO bira un onderlingeregeling ta spera cu Raad van State ta mes critico y lo percura pa tene cuanta cu e proceso cu mester encamina.

   Den su totalidad pa parlamentario Shailiny Tromp-Lee e reunion tabata uno hopi bon unda cu por a papia abiertamente. Tambe tabatin intercambio di sr Andy Lee su conocemento riba cierto aspectonan cu ta sigur como fraccion di MEP ta aprecia, pero ta kere cu mester sigui elabora y traha riba e aspecto aki di loke ta trata e proceso cu e consensus Rijkswet HOFA a cana te na e momentonan aki. Sinembargo esaki no ta e final , fraccion di MEP na Hulanda unda cu bishita y of cana bay lo papia mes un cos “e Rijkswet no tabata necesario, te ainda no ta necesario” e finansas publico di Aruba ta stabiel e cifranan di proyeccion ta mustra un desaroyo hopi positivo pero nos mester keda critico.

   Desde inicio di pandemia Hulanda a hiba un actitud sea Aruba ta tuma loke ta ofrece of ta laga para, pero e consensus cu mester tin pa respeta otro no tin. Den pasado a papia di gedwongen consensus, pero awo “er is geen consensus” di parti di parlamento di Aruba.