Cuerpo di Bombero Aruba tambe presente na Open Dag di Marinierskazerne Savaneta

ORANJESTAD (AAN): Tur bishitante di e Open Dag na Marinierskazerne Savaneta por a disfruta di diferente actividad y demostracionnan durante dia.

Nos Cuerpo di Bombero tambe tabata presente pa duna informacion y splica un poco mas di nan ekipo di trabao y tambe por a admira nan vehiculonan.

   Grandi y chikito por a presencia un demostracion di un scenario caminda un persona cu ta keda pega den un auto despues di un accidente ta worde libera door di e bomberonan. E bomberonana corta e auto di forma strategico pa libera e persona y dunele prome auxilio.

   Despues a sigui un demostracion con Aruba su Cuerpo di Bombero ta combati candela. E scenario a cuminsa ora cu un auto a pega candela. Na yegada di e brandspuit na e lugar, por a observa cone bomberonan a controla e situacion y a traha den ekipo pa combati y paga e candela.

   Cuerpo di Bombero ta sumamente contento di por a forma parti di e exitoso Open Dag di Marinierskazerne Savaneta y di por a mira e entusiasmo di e bishitantenan. E bomberonan a haya e oportunidad pa por a comparti y demostra na e bishitantenan kico tur ta e trabao di Cuerpo di Bombero.