ORANJESTAD (AAN): Recientemente a tuma lugar un concierto di caha di orgel, organisa pa Aruba One Happy Island Lions Club.
Durante un entrevista cu DIARIO, Junior Arends miembro di directiva di Aruba One Happy Island Lions Club a splica cu e evento ta pa duna un oportunidad na henter comunidad pa uni generacionnan, tanto adultonan, como tambe adultonan mayor y tambe hobennan den nos comunidad.
“E idea di awe ta pa inculca y promove pa nos hobennan tambe toca caha di orgel y toca wiri”.
Pa e motibo aki nos tin e actividad aki, segun Arends, kende a splica cu banda di e hecho cu e evento ta pa yuda recauda fondo, e ta tambe pa e organizacion motiva nos hobennan pa aprecia y cera mas conoci cu e musica di caha di orgel.
El a gradici tur e 20 tocadornan di caha di orgel cu a presenta na e evento pa deleita tur esnan presente.
