ORANJESTAD (AAN): Den cuadro di luna di December, conoci como e luna mas gusta di aña, Centro di Bario Savaneta ta organiza su evento mas spera: “Savaneta Christmas Bazaar 2025”.
Meta principal di e Christmas Bazaar ta pa stimula e habitantenan di Savaneta y bisindario pa haci uso di e oportunidadnan cu Centro di Bario Savaneta ta ofrece, fortalece union den comunidad y mantene tur hende involucra den un ambiente positivo y familiar.
Pa engrandece nos Christmas Bazaar e dia aki lo tin varios vendors presente unda lo por cumpra diferente artesania, cosnan dushi, cu un bar y cushina bon surti. Tambe lo tin diferente grupo di baile y musica.
Un di e metanan di Centro di Bario Savaneta ta pa trece union den nos bisindario y ofrece actividadnan cu ta aumenta e participacion di grandi y chikito y cu ta fortalece e calidad di bida di e habitantenan di e bario y bisindario. Pa asina mantene nos bario di Savaneta den desaroyo atraves di un sociedad participativo.
E Savaneta Christmas Bazaar lo tuma lugar riba Diasabra dia 13 di December, di 6:00 pm te cu 0:00 pm na Centro di Bario Savaneta. Pa mas informacion por tuma contacto cu Vanessa de Kort via 594-4570, Cette adresse e-mail est protégée contre les robots spammeurs. Vous devez activer le JavaScript pour la visualiser..
Centro di Bario Savaneta ta invita tur habitantenan di bario y bisindario pa forma parti di e anochi di union aki, unda comunidad, alegria y ambiente di Pasco ta centra.
