‘Cena di Paz’ a bira awor un tradicion nobo Caribense

ORANJESTAD (AAN): Na e islanan Caribense ta creciendo e tradicion di Cenanan di Paz riba e fecha di  5 di Mei. 

DIARIO a compronde cu e aña akí a organiza un total di 51 cena simultaneamente bao di e nomber ‘Freedom Meals’. Esey ta dos biaha mas hopi compara cu aña pasa. Tabatin mas cu 500 Freedom Meals (Cena di Paz) den Reino Hulandes henter. E nucleo di un Freedom Meal ta un encuentro special na mesa di come, caminda invitadonan por papia tocante libertad y falta di libertad: temanan cu normalmente no ta dedica tempo na dje tur dia y unda ampliamente por pone atencion na dje riba Dia di Liberacion.

   Cena di Paz: ‘Sigur por papia aki di un exito’, asina Ana van Bergen, motor tras di e organizacion di e Cenanan di Paz Caribense a indica. ‘Danki Dios hopi hende riba e islanan a mustra hopi interes pa e idea akí y mesora nos a haya cooperacion cu entusiasmo for di tur skina.’

   Cada isla tin su mes kwartiermaker, pero banda di esey hopi boluntario dedica tambe a meld nan mes mesora pa organiza un Cena di Paz. Cada ken na nan propio forma unico. A organiza Cena di Paz na scolnan, na hospital, na trabao, den restaurantnan, na Centronan di Bario, den bario simplemente riba caya, den un museo, na Base di Marina of normalmente na casnan den comedor. Cu algun invitado of hustamente cu un cantidad di 200 persona. Sea cu un cena simpel of mas ainda cu un cena amplio, pero semper cu e Sopi di Libertad acerca hunto cu e carchinan di dialogo pa un bon combersacion.

   Anton Hermans, kwartiermaker, na Saba, a conta cu na e isla, alumnonan di school a ricibi un Freedom Meal den restaurantnan local. Gruponan di alumnonan por a reserva nan mesa y e tabata un cooperacion entre Horeca y e scolnan.

   Ta un hecho cu tin Freedom Meals riba tur isla Caribense y tambe na Hulanda. Segun Anja: ‘Mi ta spera cu nos lo por uni tambe na e tradicion di e festivalnan di libertad y cu nos lo por cera e Freedom Meals finalmente cu un tremendo gran concierto, caminda e popular ‘we’ll meet again’ por resona.’