ORANJESTAD (AAN): Un celebracion na Universidad di Aruba, ora cu Celia a gradua cu un Bachelor’s Degree di e FAS-SISSTEM.
Celia a defende cu exito su tesis y a obtene e titulo di Bachelor of Science, for di e programa SISSTEM, den Ingenieria Sostenibel, cu specializacion den Ciencia Ambiental.
E programa di SISSTEM (Sustainable Island Solutions through Science, Technology, Engineering and Mathematics) ta un iniciativa inovador poni bao di e Faculty of Arts and Sciences (FAS) na Universidad di Aruba.
E titulo di su tesis tabata: “The Feasibility of AC Water Harvesting for the Aruban Household”. E ta un solucion inovador pa e resiliencia di awa aki riba e isla.
E comision di graduacion a consisti di Dr. Diego Acevedo, Dr. Nigel John, y Dr. Kailas Malwade.
Universidad di Aruba ta felicita Celia riba e logro maraviyoso aki, y ta dese’e un futuro inspirado y yen di exito.
SISSTEM tambe ta orguyoso di Celia, y ta confia cu e lo sigui haci un diferencia den e esfuerzonan di sostenibilidad di Aruba.
