Celebrando e di 25 aniversario di Hailenne na Colegio

ORANJESTAD (AAN): Un brindis special tabatin recien na Colegio Arubano den Vondellaan, debi na e hecho cu tabatin un hubilaria special.

   Ta trata aki di Hailenne, kende nan ta describi como “un persona indispensabel” na Colegio Arubano.

   Esaki nifica, cu si acaso un docente of cualkier trahador di administracion di e scol no sa algo, sigur Hailenne si sa!  El a celebra e hecho cu 25 aña pasa el a cuminsa traha pa e scol di Havo y VWO aki den Vondellaan, y di e tempo ey semper e ta cla pa yuda tur trahador of docente.

   A ser mustra, cu e ta haci esaki semper cu un sonrisa, y cu hopi pasenshi.  A compronde cu e oficina di Hailenne cu Janine tambe ta manera un di dos cas pa hopi colega, pa regla algo pa scol of pa pasa combersa un rato.

   Docentenan a pasa felicita Hailenne, como tambe Rectorado, y a bise danki pa tur su dedicacion na Colegio Arubano.