Celebracion 181 aniversario Independencia Republica Dominicana

 E colornan di e bandera cu ta identifica e pais a resalta:

ORANJESTAD (AAN) – Un celebracion di 181 Aniversario di Independencia di Republica Dominicana, senciyo, colorido y concuri, a tuma lugar  na Plaza Juan Pablo Duarte, Diahuebs ultimo, dia 27 di februari 2025, na unda e streya central tabata e Bandera Cora, Blanco y Blauw a resalta.

Ademas di e discurso emotivo di e Consul General señor Luis Eludis Delgado, tambe Prome Minister di Aruba a expresa bunita palabranan tocante e importancia cu e presencia di Republica Dominicana tin na Aruba, den cual a exalta e lazonan historico, cultural, di sanger y comercial cu ta existi entre ambos Isla.

Cu un ofrenda floral colorido na pia di su  monumento a rindi homenahe na e heroe di Independencia Dominicano, Juan Pablo Duarte  y manera e pais ta distingui su mes den henter mundo pa su alegria, tabata tin un ambiente musical caribense.

Riba combinacion di potret por aprecia algun potret cu ta refleha esaki.