CEDE Aruba pa 5 aña consecutivo lo honra boluntario di aña VOTY award

ORANJESTAD (AAN): Aki dos luna, esta na luna di Februari 2022, lo ta di 5 aña cu CEDE Aruba ta duna reconocimento na boluntarionan riba e isla. 

E aña aki por corda con den un forma diferente, a otorga reconocemento na The Movies @ Drive-In cu tabata yen di boluntario y fundacionnan.  Un anochi hopi diferente mirando nan mes riba big screen y ricibiendo nan trofeo dilanti nan auto den un forma bon structura.  Un total di 104 boluntario cu atencion special riba frontliners cu a traha asina duro durante e pandemia a worde reconoci.

   Dia 5 di december “Dia Internacional di Boluntario” y ta worde celebra mundialmente. Nos na Aruba, mayoria clubnan – instancia of fundacion ta draai rond di hendenan balente y cu amor pa yuda nan prohimo den forma boluntario. E pandemia sinembargo no a stop nan pero a exigi pa nan ta mas creativo pa sigui duna cuido of ayudo na fundacionnan.

   E curazon grandi cu cada boluntario tin pa brinda e extra ayudo na cualkier NGO, ta pone cu CEDE Aruba ta duna e atencion na e boluntario special aki.

   CEDE Aruba ta preparando pa e di 5 edicion 2021, di "Volunteer of the Year awards" (VOTY).

   “VOTY” awards a bira un galardon cu mayoria ngo ta warda riba pa asina bisa danki na e Boluntario cu a haci e funcionamento di un instancia of fundacion mas facil.

   Director di Cede Aruba sr Daniel Tacklenborg aki a bisa: “CEDE Aruba ta duna su sosten na tur organizacionan cu ta pidi yudansa na CEDE. Un dia di boluntarismo ta pa reconoce y gradici boluntarionan pero tambe ta desea pa nos ricibi mas boluntario pa yuda organizacionan cu mester di e yudansa aki durante aña.”

   VOTY Award lo tuma lugar di 5 di Februari den Cas di Cultura den un forma inovativo y diferente. Ta worde pidi na tur instancia pa nan manda nan nominadonan aden prome cu dia 15 di Januari 2022. Mande via e link cu organizacionan a ricibi hunto cu e invitacion of por mande tambe via Cette adresse e-mail est protégée contre les robots spammeurs. Vous devez activer le JavaScript pour la visualiser..

   Manda e nomber completo di e nominado e fundacion y e motibo pakico e persona ey ta worde nomina, den no mas cu 5 regel.

   Cu e celebracion aki Cede Aruba lo gradici tur boluntario cu a destaca pa nan organizacion durante 2021.

Boluntarionan cu ta duna nan tempo valioso sin pidi ningun recompensa lo worde honra y lo ricibi un Award specialmente traha pa nan.

   Tur organizacion sin fin di lucro na Aruba cu ta traha cu boluntario, ta worde pidi pa nombra un boluntario cu a traha den nan organizacion y a haci un impacto grandi riba e organizacion durante  aña 2021.  Ultimo dia pa inscribi bo boluntario ta 15 di Januari 2022.