CBS ta presenta e resultadonan principal di e cifranan di Comercio Internacional di 202

ORANJESTAD (AAN):  Importacion total, den peso, a registra un subida di 9.0% na 2021 (542.5 mln. kg), compara cu 2020 (497.6 mln. kg), y den balor, e importacion total a registra un subida di 24.5%, di Afl. 1,681.8 mln. pa Afl. 2,093.9 mln. 

Importacion pa e area liber di Aruba* (peso)

Importacion pa e area liber di Aruba pa 2021 Aruba, den peso, a subi cu 8.4% di 492.6 mln. kg na 2020 pa 534.1 mln. kg na 2021. Durante 2021, diescinco (15) di e bintiun (21) seccionnan, den peso, a registra subida den importacion pa e area liber di Aruba.

E subidanan mas grandi por wordo observa den e seccionnan “Productonan mineral” (28.2 mln. kg), “Productonan alimenticio” (5.8 mln. kg), “Diferente tipo di articulonan fabrica” (4.1 mln. kg) y “Animalnan bibo y otro productonan di origen di animal” (3.0 mln. kg).

 E caidanan mas grandi por wordo mira den e seccionnan di “Obranan di piedra, gips, cement of asbest” (-2.8 mln. kg), “Productonan kimico” (-1.5 mln. kg) y “Makinaria y ekiponan electronico (nobo y renoba)” (-1.2 mln. kg). 

Importacion pa e area liber di Aruba (balor)

Importacion pa e area liber di Aruba pa 2021, den balor, a subi cu 22.0% di Afl. 1,626.3 mln. na 2020 pa Afl. 1,983.7 mln. na 2021.

Durante 2021, diesnueve (19) di e bintiun (21) seccionnan, den balor, a registra subida den importacion pa e area liber di Aruba. E subidanan mas grandi por wordo observa pa e seccionnan “Productonan alimenticio” (Afl. 60.0 mln.), “Animalnan bibo y otro productonan di origen di animal” (Afl. 53.5 mln.), “Productonan kimico” (Afl. 33.7 mln.) y “Perlanan real y otro tipo di piedranan precioso” (Afl. 30.4 mln.).

E unico dos caidanan por wordo mira den e seccionnan “Makinaria y ekiponan electronico (nobo y renoba)” (Afl. -31.4 mln.) y “Arma y municion” (Afl. -0.2 mln.).

Importacion pa e area di Zona Franca di Aruba

Importacion pa e area di Zona Franca di Aruba, den peso, a registra un subida di 68.8% na 2021 (8.4 mln. kg) compara cu 2020 (5.0 mln. kg), den balor, ela subi cu 98.8% di Afl. 55.4 pa Afl. 110.2 mln.

E importacion (pa e area liber di Aruba) menciona anteriormente ta e resultado di Importacion via Lama y Importacion via Aire, cual tabata tin e siguiente efectonan: 

Importacion pa e area liber di Aruba via Lama

Importacion por medio di Lama pa e area liber di Aruba, den peso, a registra un subida di 8.4% na 2021 (531.1 mln. kg), compara cu 2020 (490.1 mln. kg), mientras den balor, a registra un subida di 19.1%, di Afl. 1,359.0 mln. pa Afl. 1,619.0 mln. 

Importacion pa e area liber di Aruba via Aire

Importacion via aire pa e area liber di Aruba, den peso, a registra un subida di 20.4% na 2021 (3.1 mln. kg) compara cu 2020 (2.5 mln. kg), mientras, den balor, e importacion via aire a subi cu 36.4% di Afl. 267.4 mln. pa Afl. 364.7 mln. 

Importacion pa e area liber di Aruba pa “Companianan grandi”

Importacion pa “Companianan grandi”, den peso, a subi cu 8.7% di 83.4 mln. kg na 2020 pa 90.6 mln. kg na 2021, mientras, den balor, a observa un caida di 10.3% di Afl. 188.5 mln. pa Afl. 169.1 mln. 

Exportacion total

Exportacion total di Aruba, den peso, a registra un subida di 49.6% na 2021 (29.2 mln. kg), compara cu 2020 (19.5 mln. kg), mientras, den balor, el a subi cu 34.0%, di Afl. 118.0 mln. pa Afl. 158.1 mln. 

Exportacion for di area liber di Aruba (peso)

Exportacion for di e area liber di Aruba, den peso, a registra un subida di 39.9% den 2021 (21.6 mln. kg) compara cu 2020 (15.4 mln. kg).

Durante 2021, diescinco (15) di e bintiun (21) seccionnan, den peso, a registra subida den e exportacion for di area liber di Aruba. E subidanan mas grandi por wordo observa den e seccionnan “Metalnan comun y trabounan deriva” (3.7 mln. kg), “Obranan di piedra, gips, cement of asbest” (1.5 mln. kg) y “Materialnan pa fabricacion di papel y materialnan di papel” (1.2 mln. kg).

E caida mas grandi por wordo mira den e seccion “Productonan alimenticio” (-0.4 mln. kg). Ademas un caida di -0.1 mln. kg a wordo registra den e seccionnan “Obhetonan di arte, piezanan di coleccion y antiguedadnan”, “Makinaria y ekiponan electronico (nobo y renoba)” y “Elementonan di plastico artificial”, respectivamente. 

Exportacion total for di area liber di Aruba (balor)

Exportacion for di e area liber di Aruba, den balor, a registra un caida di 4.2% den 2021 (Afl. 58.8 mln.) compara cu 2020 (Afl. 61.4 mln.).

Durante 2021, dies (10) di e bintiun (21) seccionnan, den balor, a registra caida den e exportacion for di area liber di Aruba.

E caidanan mas grandi por wordo observa den e seccionnan “Instrumentonan, aparatonan y ekiponan optico (Afl. -2.5 mln.), “Perlanan real y otro tipo di piedranan precioso” (Afl. -1.4 mln.), “Sapato, sombre y parasol” (Afl. -1.2 mln.) y “Metalnan comun y trabounan deriva” (Afl. -0.7 mln.).

E subida mas grandi por wordo mira den e seccion “Cuero di animal y otro materialnan di cuero” (Afl. 1.3 mln.). Ademas subidanan di Afl. 0.8 y Afl. 0.7 mln. a wordo registra den e seccionnan “Obhetonan di arte, piezanan di coleccion y antiguedadnan” y “Ekiponan di transporte”, respectivamente. 

Exportacion for di e area di Zona Franca di Aruba

Exportacion for di e area di Zona Franca di Aruba, den peso, a registra un subida di 86.1% na 2021 (7.6 mln. kg) compara cu 2020 (4.1 mln. kg), den balor, ela subi cu 75.4% di Afl. 56.6 pa Afl. 99.3 mln.