Camacuri Harley cu nan di 25 corida pa Himno y Bandera

ORANJESTAD (AAN)- Diaranzon anochi tabata tin un conferencia di prensa di Camacuri HDCA hunto cu Iron Orders Aruba pa asina nan informa di nan actividadnan relaciona cu Dia di Himno y Bandera.

  Camacuri HDCA tin un anochi di inscripcion dia 17 di Maart na Carnival Village for di 6’or pa 11’or. Y Diasabra dia 18 di Maart lo tin e Sunset Ride cuminzando pa 4’or saliendo for di Bucuti Yacht Club, bay Carnival Village y caba na Bochincha.

  E grupo di Iron Order lo tene nan actividad Diasabra dia 19 hunto cu Camacuri e asina yama “Caribbean Bash” cu lo bay conta cu varios invitadonan for di Merca, Alemania, Boneiro, Corsow y Sint Maarten e.o.

E pokerrun aki manera el a wordo yama lo Sali for di DOW bay Baby Beach y bin caba na SKA na Sero Pita caminda lo bay tin entrenimiento musical.

  Pa Diadomingo tambe lo bay tin un ride caminda lo cuminza cu un breakfast lunch y pa 9’or lo Sali for di Centro Deportivo Guillermo Trinidad, pa 2’or lo nan ta na Cas Marie pa un donacion y pa 5’or ta programa cu nan lo yega Carnival Village. Durante e stopnan lo bay tin weganan popular pa e participantenan.

  E organizadornan ta invita e pueblo di Aruba pa compaña nan riba e dianan aki, na e diferente lugarnan y cu nan por participa tambe na e weganan cu tin.