Manera a pronostica: *499 caso nobo raporta dialuna
ORANJESTAD (AAN): Departamento di Salud a duna di conoce cu segun resumen di Dialuna 1314 persona a recupera y un total di 499 caso nobo di COVID-19 a keda registra di cual 78 ta no-residente.
E cifranan aki ta representa un 'Positivity rate' bou di residentenan di 65%.
E cantidad di casonan activo di COVID-19 ta 3679 y cantidad di fayecidonan relaciona cu COVID-19 ta 182.
Datonan ta ilustra casonan nobo di COVID cu un averahe semanal di 839 caso pa dia y un averahe di 'positivity rate' semanal di 63% pa dia.
Actualmente na Aruba tin 31 persona interna debi na COVID di cual den ICU tin 5 persona y riba piso general tin 26.
Na Colombia tin actualmente 3 persona den ICU y ninguno (0) riba piso general.
