ORANJESTAD (AAN): Den fin di siman, e barco di logistica di Marina Hulandes, esta Zr.Ms. Pelikaan a yega na Suriname.
Porfin despues di 10 aña, un barco Hulandes di Marina ta bishita e pais ey atrobe.
E bishita ta forma parti di un ola nobo di relacion entre Hulanda y Suriname.
E tripulantenan lo bay tey presente tambe Diahuebs awor ora cu Suriname ta celebra nan fecha di independencia.
Nan bishita ta pa haci algun training hunto cu Ehercito Nacional di Suriname, specialmente e parti nautico y conocemento tecnico.
E cooperacion nobo entre Hulanda y Suriname a conoce un aire fresco, ora cu na April e ex-Ministro di Defens Ank Bijleveld-Schouten a bishita Paramaribo unda nan a firma un declaracion pa mas cooperacion.
