ORANJESTAD (AAN)-- Señor Moises Fernandez, di Asociacion Amigos de Colombia, ta recaudando fondo pa cumpra loke famianan damnificado mester na Colombia.
Fernandez a expresa cu manera tur hende conoce, e pueblo Colombiano ta pasando den un situacion sumamente dificil, debi na e teremoto cu a sosode Dialuna ultimo.
Tin famianan cu a perde tur co, y cantidad di hende sufriendo calamidad na e momentonan aki. “Y nos, como Asociacion Amigonan di Colombia na Aruba, a tuma e iniciativa pa organiza un campaña pa recauda fondo pa por yuda e hendenan den mas necesidad”, el a señala.
Aworaki nan ta cuminza recauda placa, pasobra nan no ta haciendo campaña di recoleccion di insumo, pasobra ainda nan no a haya e conexion pa manda productonan fisico.
Fernandez a bisa cu nan tin ofrecimento di algun compania di transporte di Aruba, cu a bisa nan cu ora nan ta cla nan tin container y centro di acopio pa nan y avisa nan ki dia. Pero cu nan tin cu organiza e asuntonan legal pa por introduci productonan na Colombia. Y nan a cuminza awo cu un campaña pa recauda fondo, nan ta ta den contacto cu un consulting na Colombia cu ta bay yuda nan den esaki.
