Aruba a haya franchise Italiano nobo na Palm Beach

ORANJESTAD (AAN): Un restaurant franchise a habri su porta e siman aki na Aruba, unda antes tabata Tony Roma’s na Palm Beach. 

E propietario Giacomo Alaio den un entrevista cu DIARIO a bisa cu el y su ruman a habri e prome “Patrizia’s of New York” na 1991.  Despues a habri mas Patrizia’s na New York, New Jersey, y Florida.

   Giacomo a bisa cu nan ta bishitando Aruba ya pa mas di 30 aña pa pasa vakantie, y el a mira cu Tony Roma’s no tey mas, y a dicidi na trece su restaurant na Aruba, pa asina pueblo purba nan concepto unico di sabor Italiano, specificamente dirigi riba cushina Napolitano. 

   Nan chef cu mas di 40 aña di experiencia a bin Aruba pa duna training.  Ademas di e faboritonan Italiano, bo ta haya tambe Lambchops, Ribeye Steak, Pulpo riba Grill, Gnocchi Sorrentino, y Salmon Riviera entre otro.