Artista interdisciplinario Velvet Zoe Ramos ta presenta su obranan na Biblioteca Nacional Aruba

ORANJESTAD (AAN): E exposicion individual di artista interdisciplinario Velvet Zoe Ramos ta

tuma luga di 10 di Juli te cu 31 di Juli 2026 den sala di exposicion na Biblioteca Nacional Aruba. Publico ta bonbini pa pasa wak e exposicion durante orario regular di Biblioteca na Oranjestad.

‘Paralel’ ta parti di ‘Interlasado’ cu alabes ta un di e diferente practicanan artistico cu Ramos ta ehecuta den su arte por ehempel: performance, video art, cercamica di autor, printmaking, pintura, art di cuminda y filmmaking.
Den e exposicion aki curated dor di Irvin Aguilar por mira diferente obranan realisa cu clay mane ceramicanan di autor, pintura y video projection.

Interlasado: Paralel ta invita publico drenta den e imaginario di Velvet caminda por topa cu elementonan inspira dor di naturalesa, simianan y nos hende muhe alabes cu nos lo por admira e ofishi di traha cu clay y dor di colonialismo nos a degrada esaki mane un arte inferior pero Ramos lo desea pa pone den e mesun nivel y balansa cu e otro fine arts cu ta wordo considera mas "eleva" of "sagrado".

Publico ta keda cordialmente invita pa e apertura oficial dia 9 di juli 2026, 6:30 di atardi na Biblioteca Nacional Aruba, George Madurostrast 13, Oranjestad.