ORANJESTAD (AAN): Departamento di Supervision y Huridico na DOW, a duna un relato di cuanto permiso di construccion a ser pidi y cuanto permiso di construccion a ser duna na aña 2025
Akinan un bista di cuanto peticion pa permiso di construccion e departamento a ricibi den e periodo entre 6 di Januari 2025 te cu 28 December 2025.
(*) Permiso di construccion cu a ser pidi: 1043.
(*) Permiso di construccion cu a ser duna: 945.
(*) Permiso di construcccion cu a ser rechasa: 268.
(*) Permiso di construccion cu a ser busca: 906.
Si acaso abo a caba di ricibi un tereno, corda riba e detayenan importante aki pa bo por bay haci un peticion pa un permiso di construccion mester trece e siguiente documentonan na DOW.
Pa vivienda: (1). Mapa di cas (bestektekening), 2x copia. (2) Mapa di plan di ubicacion (situatie tekening), 2x copia. (3) Mapa di hero y nan calculacion (constructie tekening en berekening), 2x copia. (4) Acto di notario of un Decreto Ministerial, 1x copia. (5) Un medio di identificacion, 1x copia. (6) Yena un formulario di DOW. (7) Pago di 200 Florin.
Pa un edificio commercial: (1) Mapa di edificio commercial (bestektekening), 4x copia. (2) Mapa di plan di ubicacion (situatie tekening), 4x copia. (3) Mapa di hero y nan calculacion (constructie tekening en berekenen), 2x copia. (4) Acto di notario of un Decreto Ministerial, 1x copia. (5) Un medio di identificacion, 1x copia. (6) Yena un formulario di DOW. (7) Formulario di DTI yena. (8) Pago di 200 Florin.
Ora haya e permiso mester paga e diferencia ora di busca y tin 180 dia pa busca e peticion sino e ta wordo cancela y mester entrega un peticion completamente di nobo.
