Ministro a keda impresiona cu e Tactical Karate Camp teni na Aruba

ORANJESTAD (AAN): Den fin di siman, Ministro di Deporte Gerlien Croes a haci un bishita na e Tactical Karate Camp cu a tuma luga na Aruba.

  Na esaki, un total di 18 atleta di nivel halto for di diferente pais a yega e isla pa entrena hunto.

   E camp ta ser lidera pa Stanislav Horuna, medayista Olimpico y coach di renombre internacional.  Segun Horuna, nan kier comberti Aruba den un centro di karate, pasobra riba e isla aki tin tur lo necesario pa train y recupera bon.

   Ministro a haya chens di combersa y mira pa su mes con e Tactical Karate Camp aki ta funciona, y el a splica na final cu e ta orguyoso di mira Aruba como centro di deporte di calibre mundial.