Direccion di Deporte ta haci capacitacion pa cu control y monitoreo di carga di entrenamento

Miembronan di e departamento tecnico di COA ta sigui curso pa eleva nivel tecnico-deportivo

ORANJESTAD (AAN): Como e departamento tecnico-deportivo cu ta encarga cu tur aspecto cu tin di haber cu e diferente deporte cu ta forma parti di e famia di Comite Olimpico Arubano (COA), a sigui un capacitacion pa asina por mehora e proceso di control y monitoreo di carga di entrenamento.

   Miembronan di e deporte tecnico Direccion di Deporte (DdD) a reuni virtualmente cu Sr. Mauricio Moyano di Argentina, cu ta un profesional cu ta profesor na universidad ademas di forma parti di diferente grupo di profesionalnan cu ta maneha entrenamento na nivel di alto rendimento. Den e caso aki, el a conta di aplicacion di tecnologia pa controla rendimento y fatiga di atletanan.

   Direccion di Deporta ta gradici Sr. Mauricio Moyano pa tur informacion cu a ser comparti, cu sigur lo haya bon uso pa asina por eleva e nivel di e trabao cu e departamento tecnico di COA ta haci.