Maelynn Fradl ta contento cu e experiencia na Weganan Panamericano Junior 2025

ORANJESTAD (AAN): E participacion di Aruba na Weganan Panamericano Junior 2025 na Paraguay

tabata algo cu ta habri wowo di atletanan local pa asina haya sa con bon ordena tur evento y competencia ta ser teni.

   Esey ta loke Maelynn ta contando, di e experiencia importante pa e desaroyo di e mes, como atleta di Taekwondo na e competencia conoci tambe como ASU2025.

   Despues di un competencia hopi bon bringa contra un di e mihornan di nos continente, atleta di #TeamARU Maelynn Fradl ta conta un poco di kico el a experiencia despues di su competencia di Taekwondo Kyorugi na ASU2025.

   Apesar di no a logra su meta, Maelynn ta duna di conoce di a siña hopi di e oportunidad aki y ta sigui traha duro pa futuro.

   El a splica cu e experiencia cu el a pasa aden ta uno hopi bunita, hopi nechi.  Encuanto su competencia, el a splica cu sinceramente e pelea no a bay manera cu e tabata kier, pero e ta keda cu cabez na halto y ta sigui bay dilanti.

   Maelynn a admiti cu awor su dilanti e ta train pa participa den President Cup na Peru dentro di dos siman.

   El a bisa cu su participacion na Paraguay tabata un experiencia cu e no por splica.  Pero e ta desea na gradici tur hende cu tabata cu ne den e paso di clasificatorio cu tabata uno basta largo, y ta gradici tur hende en general.