Aruba a bira e sede di competencia Little League Caribbean Region pa 2027

ORANJESTAD (AAN): Ministro di Deporte, Gerlien Croes, a viaha pa ta presente na e famoso 2025 Little League Baseball World Series na Williamsport, Pennsylvania.

   Williamsport ta un ciudad y ta den Lycoming County, y tin un poblacion di como 30 mil habitante.  E ta e centro cultural, financiero, y comercial di North Central Pennsylvania, y ta situa 285 km leu for di Philadelphia, y 267 km leu di Pittsburgh.  Williamsport ta conoci pa su deporte, y escena di arte.

   Ta di menciona cu Williamsport ta e lugar unda Little League Baseball a nace.  Pesey e ta tambe e sede mundial di Little League Baseball y tur aña ta organiza e Little League World Series.

   Minister Gerlien Croes a logra reuni cu e cabezante di e organizacion mundial, y na final a firma un acuerdo hunto cu CEO y Presidente di Little League Internacional, sr. Patrick Wilson y asina oficialisa cu Aruba lo ta e pais anfitrion pa Little League Caribbean Region Tournament na 2027.

   Sin duda alguno, esaki ta un gran logro pa asina bira anfitrion di e evento aki, unda tur paisnan Caribense lo tin di bin Aruba pa asina competi cu otro pa mira kende lo bay carga e nomber di ‘Caribbean Region’ pa asina competi den Little League Baseball World Series.  Pabien Aruba.