Comparti mensahe di speransa cu hobennan di Aruba

ORANJESTAD (AAN): Recientemente e hobennan Catolico di Aruba a uni cu Instituto Kateketico Diosesano di Aruba (IKDA) hunto cu Maria College MAVO y a comparti e mensahe di speransa cu e hobennan.

   Nan a scucha palabra di Dios, canta, balia, scucha testimonio di e hobennan cu a bisa si na Señor y ta traha p'E, hunga y comparti cu otro.  E temanan comparti tabata: (1) Nos hubentud speransa di Iglesia parokia Sagrado Curason di Hesus Savaneta.  (2) Nos hubentud speransa di bida parokia Santa Filomena Paradera. (3) Nos hubentud speransa di nos comunidad parokia Inmaculada Concepcion di Maria Sta. Cruz.  (4) Nos hubentud speransa pa un bida sin mediocridad parokia Birgen di Fatima Dakota.

   E gruponan hubenil cu tabata presente y ta miembro di Youth Ministry Aruba tabata: (1) Hearts On Fire. (2) Hobennan St. Filomena Paradera Aruba.  (3) Grupo Hubenil San Dominico de Guzman. (4) Hunto Mane Un Famia / YouCat / Koor Amigonan di Hesus y Maria.

   Hoben nan ta warda boso bishita tur e gruponan aki pa asina siña mas di nos Señor Hesus.

   Na tur e hobennan di Maria College nos kier a gradici boso pa acepta nos bishita cu man habri y curason habri. Nan ta pidi Señor pa ilumina boso pasonan riba Su caminda.