Tur documento di Eduard Pieters pa bira Parlamentario oficial di PPA a keda entrega na Parlamento

President di Parlamento Marlon Sneek:

ORANJESTAD (AAN) Den entrevista cu Matutino DIARIO, Presidente di Parlamento, señor Marlon Sneek, a confirma cu Parlamento a haya tur e documentonan cu señor Eduard Pieters mester a entrega y tur carta di Conseho Electoral, pa wordo atendi den Reunion Publico, awe Dialuna pa 11’or di mainta.

   El a agrega cu ora cu Parlamento caba cu e parti aki, si tur documento ta na ordo, tur informacion ta wordo manda pa Gobernador, y ora ey Gobernador ta pone un fecha pa huramenta señor Pieters ken lo bira e Parlamentario oficial, representando Partido PPA den Parlamento.

   Marlon Sneek a indica cu e carta cu señor Otmar Oduber a manda pa Parlamento, ta informando cu e no ta tuma su retiro pa 1 di October mas, sino cu dialuna 6 e ta tuma su retiro oficial, pesey Parlamento a tuma e documentacion di señor Pieters y mester a tene e reunion publico, unda nan a revisa esakinan pa wak si tur cos ta na ordo, pa nan informa Gobernador p’e huramenta señor Pieters. Esaki ta e unico cambio cu tabata tin den Parlamento na e momentonan aki.