Partido MEP a yama pueblo danki pa haci MEP e partido mas grandi na Aruba

ORANJESTAD (AAN):  Partido MEP tabata tin diadomingo e gran PARADA DI VICTORIA.

Un multitud a sali 10'or di mainta for di Carnival Village, pasando den San Nicolas, Brasil, Savaneta, Pos Chikito, Santa Cruz, Paradera, Tanki Leendert, Playa y nan a cabaa atardi na Noord, na Centro Deportivo Frans Figaroa.

Partido MEP a yama pueblo di Aruba danki pa e sosten den e victoria aki y pa haci partido MEP e partido di mas grandi na Aruba un biaha mas.

Mirando e comentarionan cu tabata tin riba e rednan social riba diadomingo, ta bon pa aclarea cu e parada riba diadomingo despues di eleccion ta bay na e partido ganador, sea cu nan lo forma un coalicion of no.

E finalidad di e parada ta pa e partido ganador gradici nan votadornan cu a duna nan e confiansa. Den e caso aki, ta mas cu claro cu MEP ta e partido cu a haya mas voto den e eleccion 2021.