Miguel Mansur di Accion 21 - Nunca mi a imagina cu un post ariba Facebook lo culmina den mi participacion como lider di un partido nobo.
Un compromiso cu comunidad LGBT+ a bira un compromiso cu pueblo en general pa lucha incansablemente pa bienestar di tur Arubano. Nos mester elimina pobresa y necesidad di nos pais y nos entradanan ta suficiente pa logra esey. Mi kier a expresa mi inmenso gratitud na pueblo di Aruba pa nan sosten, confiansa y corahe pa awe inaugura nos futuro nobo.
Accion21 y Miguel Mansur a bin pa keda y nos lo sigui innova nos politica pa asina modernisa nos economia, gobierno y sociedad. E rechaso di politica tradicional no tin buelta pa tras y hunto nos lo biba un futuro nobo caminda tur hende lo progresa y wordo brinda herment pa biba nan mihor version. Nos a cuminsa nos campaña cu e lema, progreso ta na caminda, awe progreso a yega.
Accion21 a presenta e plan mas solido cu solucionnan real cu lo hiba nos pais dilanti y laga mas placa den saco di cada Arubano. Nos ta honra e votador door di honestamente comparti e realidad di nos situacion incluyendo COHO. Nos ta bibando un momento unico cu e oportunidad di un generacion pa cambia rumbo di nos pais y regresa Aruba na ta lider den nos region y ehempel pa otro.
Tur solucion ta cuminsa cu un accion. Den nomber di henter Accion21 nos kier bisa danki na tur e accionistanan cu ta bay deposita nan confiansa den nos pa nan futuro y esun di nan sernan keri. Nos lo traha hopi duro pa crea e futuro cu nos tur ta desea. Hunto nos lo por logr’e. Pesey, nos kier continua cu e combersacion y comparti cu bo e desaroyo di nos pais.
Alabes, nos lo semper kier tende di bo retonan, pensamentonan y ideanan pa asina nos por crea un conexion mas eficiente cu ta permiti nos keda actualisa y sigui traha pa e bienestar di pueblo.
E website www.accion21.com lo keda disponibel y tambe nos Social Media pa bo haci uzo di nan.
