MEP awor ta convenci
ORANJESTAD (AAN): Pa bo haya un trabao den gobierno cu salario astronomico, bo mester ta friends & family di partido Futuro. Algun ehempel concreto aki cu Partido MEP a descubri y trece dilanti:
District Advisor: Pa un candidato riba lista di Futuro a crea posicion nobo di “District Advisor”, un posicion cu no tabata existi pero a worde inventa, cu salario di riba 10 mil Florin pa luna. No a duna oportunidad pa selecta ‘the right man for the job’, a djis dicidi cu ta candidato di Futuro ta haya e posicion ey.
Di Fotografo pa Consehero: Un persona cu tabata fotografo den gobierno anterior, y a subi lista di Futuro despues, a worde promovi awor pa consehero di Minister Gerlien Croes.
Apesar cu e minister a bisa cu lo habri tur posicion pa tur hende por solicita, el’a percura pa acomoda su colega di partido prome, dun’e un promocion y un salario di mas di 10 mil Florin pa luna.
Aruba Fair Trade Authority: E departamento aki cu a worde crea door di Minister Geoffrey Wever, ta yena di nombracionnan politico. Casa di fundador di Futuro, yiu di Fundador di Futuro y tur cu salarionan astronomico.
Enseñansa: Den enseñansa ta casa di fundador di Futuro ta den bestuur. Amiga di casa di fundador di Futuro ta den Colegio Arubano, un secuestro total di nos educacion, tur cu salarionan astronomico.
Asina partido MEP lo sigui duna ehempel den e dianan nos dilanti pa pueblo wak, cu prueba, cu partido Futuro ta partido di friends & family.
