ORANJESTAD (AAN): Diadomingo Partido MEP lo ta celebrando dia di Betico grandi.
E prestigioso Partido MEP a percura pa nos logra nos Libertad por medio di nos libertador Betico Croes, conserva nos Libertad door di schrap e fecha di indepedencia door di nos lider honorario sr Nelson Oduber y percura pa Aruba keda mantene nos Libertad door di no entrega nos autonomia pa nos lider actual sra Evelyn Wever Croes.
Pesey mes e fecha natalicio di nos libertador no solamente nos lo recorde pero e aña aki nos Partido lo celebra esaki cu un actividad grandi na Cede di MEP.
E magno evento aki lo cuminsa 10:00 am, y lo termina 9:00 pm. Esaki lo ta e programma pa e dia aki dia 25 januari 2026 na Cede di MEP: (*) Koffie morgen cu caha di orgel. (*) Torneo mini futbol. (*) Torneo domino. (*) Diesseis tent di cuminda crioyo: ta aki bo mester ta pa busca bo plato crioyo. (*) Expo audiovisual Betico- Status Aparte y 54 aña di mep. (*) Dino Jump.
(*) Di 2:00 pm pa 5:00 pm tin programa cultural. (*) Bendemento di T-shirt di Betico. (*) Pa 7:00 pm ta saca e rifa ganador 10.000 Florin cash. (*) Lo cera e anochi cu bandanan Duro y Tsunami.
Oduber ta extende invitacion na henter comunidad pa pasa Cede di MEP diadomingo 25 januari 2026 pa celebra e dia aki hunto cu nos. E lo bira un dia grandi di celebracion.
