Ocho partido tabata lidera pa hende homber y 3 partido pa hende muher 

Di e 11 partidonan pa Eleccion 2024...

ORANJESTAD (AAN):  Datonan interesante pa loke ta Eleccion 2024, e aña aki tabatin 11 partido cu un total di 139 candidato reparti den 87 hende homber y 52 hende muher.

            Di e 11 partidonan tin 8 partido lidera pa hende homber y 3 partido lidera pa hende muher.

Tin 1 partido cu tin solamente hende homber ariba e lista.

            Desde aña 1985 Aruba ta vota pa su propio Parlamento. Prome cu aña 1985 tabata vota pa Eilandsraad y Parlamento di Antiyas.

Desde 1985 pa prome biaha a participa e partidonan: Futuro y LPR

Pa di 2 biaha: Accion 21 y HTC

Pa di 3 biaha: RED, CURPA, RAIZ, MAS

Pa MEP, AVP y PPA ta nan 12 biaha cu e partido ta participa na un eleccion.

            E eleccion di 2024 lo ta di 32 biaha cu ta tene eleccion na Aruba desde 1948 cu a pasa ley di

Derecho di Voto.

*Aruba a bay urna electoral na 11 biaha pa eleccion di Staten di Antiyas.

* Aruba a bay 9 biaha urna electoral pa eleccion pa un Eilandsraad.

* E eleccion di 2024 lo ta di 12 biaha cu lo elegi miembro nan di Parlamento pa Aruba. E prome biaha tabata na aña 1985.

Fuente: Compila pa Roberto G. Croes, Nos Historia Nos Herencia