Candidato Ricky Hoek di MEP
ORANJESTAD (AAN): Ricky Hoek, kende ta un persona cu a destaca cu su tremendo trabao como Parlamentario di Fraccion di MEP y actualmente ta candidato #16 di Partido MEP a bay vota diabierna atardi, 2:30 pm na Sint Anna School na Noord.
Hoek tabata acompaña pa su casa, su yiu homber, famia y sostenedonan. El a vota na stemlokaal 4. El a conta DIARIO cu ora el a bay vota tur cos tabata basta trankil. Por a mira si algun grupo di entre otro MEP, AVP.
E fluho a bay basta bon y e hendenan tabata basta contento. Prome cu esey a presenta algun situacion caminda hende di partido AVP a cuminsa haci hopi desordo y busca pelea cu candidato Endy Croes.
El a cuestiona e hecho dicon un partido por keda haci desordo. Polis a presenta pa habri trafico y a core cu esnan cu tabata haci desordo. Tambe a pidi pa baha e musica pasobra esaki tabata basta halto.
Un rato despues e situacion a trankilisa y a bay bek na normalidad.
Ricky Hoek a haci un yamado na comunidad pa medio di diferente entrevista pa eherce nan derecho di voto y asina dicidi e direccion y e rumbo di e pais aki y pa laga resona bo bos.
"Anos kier stabilidad di e trabao cu nos gobierno a bin ta haci ultimo tempo y nos kier pa e bon trabao continua", Hoek a declara.
