ORANJESTAD (AAN)- E lider di partido C.U.R.P.A, Sr. Eric Ras a bay deposita su voto den oranan di mainta na Centro di Bario Playa Pabao.
Den un entrevista cu Sr. Ras ora nan a puntre cu cua partido e lo bay sinta si nan drenta Parlamento el a bisa cu “Tanten bo no mata e bina bo no por bende e cuero, y cu tur cos ta depende e programa di e partidonan politico. “.
Esaki ta di 3 biaha cu Curpa ta participa na un eleccion
Ras ta pensa cu pueblo a ripara cu ni geel ni berde a funciona y cu a yega momento pa un cambio.
Prome ley cu Ras lo cambia ta pa trece un cambio den e kiesverordening.
