Parlamentario John Hart:
ORANJESTAD (AAN): Parlamentario John Hart di AVP, a duna su reaccion riba un desaroyo importante den e cuadro di ley cu pronto lo worde trata den Parlamento di Aruba. E ley a base di cual lo incorpora e Fondo di Inversion a worde entrega na Raad van Advies. Pa 2026 gobierno a aloca 50 miyon Florin pa e Fondo di Inversion.
E ta un echo cu Aruba ta worde confronta cu retonan nos dilanti y pasonan nos dilanti mester ta den benificio di Aruba su desaroyo y nos ciudadanonan” segun sr. Hart. Areanan di prioridad di inversion menciona pa Gobierno ta entre otro embeyecemento di nos districtonan, enseñansa, centro di Oranjestad y San Nicolas y vecindario, casnan social y pa adultonan mayor, transicion di energia y desaroyo di tereno di e ex- refineria.
“Ta necesario pa traha continuamente pa fortalese nos economia y pa Aruba por keda un pais atractivo pa biba y pa haci negoshi" Hart a enfatisa.
Presupuesto 2026 pa pais Aruba pronto lo tin cu worde trata den Parlamento. Via presupuesto aproba pa Parlamento di Aruba, fondonan publico lo worde aloca cada aña den e Fondo di Inversion.
"Un punto importante di atencion pa tratamento di e Fondo pa Inversion ta e agenda di inversion multianual y prioridadnan di maneho" segun Hart.
