Jennifer Arends-Reyes indicando cu e ta e candidata perfecto pa Enseñanza y Turismo

ORANJESTAD (AAN): Diabierna mainta pa 11:00 am, e candidata Jennifer Arends-Reyes cu ta number 11 riba lista di AVP, a acudi na Colegio Ora Ubao na Tanki Leendert pa deposita su voto.

   E actual Parlamentaria a campaña fuertemente pa progreso riba tereno di enseñanza y turismo, y a usa su lema di ’11 t’esun’.

   Acompaña pa un grupo grandi di sostenedor, nan a yega cu un caravana cu hopi bandera y un Jennifer masha feliz mes hunto cu su esposo.

   Jennifer a indica cu e ta e candidata perfecto pa Enseñanza y Turismo den siguiente gobernacion.

   Diabierna mainta por a mira cu e ta sigui acapara hopi atencion y simpatisante for di su entrada na 2013 riba e lista di AVP.  Sigur den su prome salida a haci un diferencia grandi den politica enfocando riba area di Educacion y Turismo. For di su entrada na 2013 y tambe na 2017, e tabata ricibi un promedio di 600 voto tras di su nomber, tabata un señal cla pa Jennifer y Aruba cu su carera politico tin un proposito y esey el a bin ta haci cu determinacion y firmesa.