Parlamentario Endy Croes: Barabbas en bes di Jesus -ORANJESTAD (AAN): Parlamentario Endy Croes ta siguiendo e desaroyo politico na Aruba hopi di cerca.
Por tuma nota desde cu e resultado di eleccion a dal cu AVP a cuminsa cu instigacion na tur manera cu e solo hecho cu nan kier ta den proximo gobierno pa logra saca Benny Sevinger for di prison y tranca tur desaroyo positivo.
Algo igual nan a logra hasi na 2009 momento cu nan a drenta gobierno alrespecto casonan contra Tico Croes e tempo aya x Lider di AVP. Asina Mike a cuminsa grita pa reconteo total, despues a grita pa reconteo di e votonan invalido y despues Mike Eman a logra pone Marisol ( MAS) y Mansur (Accion 21) na mesa pa bebe un coffee papiando di un bloke of un complot. Tur e trikinan aki a bini di AVP kende tin un solo agenda pa scapa Benny y trata na sake for di prison.
Nos ta lamenta cu dos di e partidonan chiquito ta cay den e weganan politiconan aki en bes di a para pa INTEGRIDAD. Na papiamento criyoyo tin un dicho ta bisa cu nan ta dispuesto pa bende nan alma cu diabel pa drenta gobierno.
/// Barabbas of Jesus: Benny of Candelaria?
Den testament nobo nos por lesa con e gobernador di Romanonan di provincia Judaea cu tabata un di e mihor gobernadornan di e tempo aya esta Pontius Pilatus a hañe den un situacion. Bou fuerte protesta y manifestacion orchestra pa “hoge priesters” kendenan a percura pa lanta pueblo a presenta Jesus (Nos Salvador) banda di Barabbas. Barabbas ta un ladron y criminal kende a wordo huzga caba cu pena di morto esta lo mester a wordo crusifica. Pa rasonnan di a malinforma y lanta pueblo na un manera incorecto pueblo e tempo aya a escohe pa libertad di Barabbas esta pa libera e ladron criminal Barabbas y a escohe alaves pa castiga y crusifica Jesus (Nos Salvador) cu pena di morto.
Tristo pa mira cone esaki a bay e tempo aya. No ta intension pa compara paso Bo no por compara pero den AVP nos ta mira e tendencia si cu unda Mike Eman ( mescos e hoge priesters) a influencia y lanta su votadornan pa vota pa Benny ( Barabbas) kende ta den prison y awor ta exigi pa Benny Sevinger huramente ciendo den prison mientras Robert Candelaria kende ta un pastor, un persona di iglesia, un ex hefe di polis kende ta papia di ta para pa Integridad lo mester keda pafor di Parlamento.
Asina sospechoso principal sera den KIA na santo patia lo pasa su dilanti. Ideal lo tabata ta Benny mes reconoce e daño cu e ta hasi na Pais Aruba y e berguensa cu e ta pone cada hende sinti riba e pida baranca aki y entrega un carta cu e ta distancia di posicion aki. Of si Mike ainda dado caso por pensa na un manera honrado y desente por pidi Benny pa distancia di dicho encargo.
/// Locual sigur lo bay pasa ta e ley di screening:
Locual sigur lo bay pasa ta e ley di screening. y Esaki lo tuma lugar pronto. Nos ta corda cu na October 2020 Edgard Vrolijk y Rocco Tjon a presenta e ley aki pero momento a trata esaki e votacion a sali 10-10 y e ley no a pasa. Si e ley aki a pasa awe Benny no por a bira Parlamentario paso lo a agrega un parti aden cu ta conta pa Parlamentarionan tambe. Lamentablemente AVP ( Benny mes) , Daphne y Ricardo ta esnan cu a vota contra y asina preveni e ley pa e pasa. Nos a manda e ley bek Raad van Advies cu e cambionan cu AVP-Ricardo y Daphne a propone esaki a bini bek un “dikke onvoldoende” y no por wordo trata.
Pues mientrastanto a hasi e cambionan bek manera el a wordo presenta na 2020 y a entrega esaki caba bek na Parlamento pendiente un fecha pa e wordo trata. Si Benny, Mike y AVP ta dispuesto pa pone Aruba pasa berguensa esaki no ta pa largo. E ley aki lo core cu Benny na mal ordo for di Parlamento dentro di poko. Ta cuestion di algun siman.
Parlamentario Endy Croes ta lamenta e direccion cu Lider di AVP Mike Eman y sospechoso principal sera na KIA esta Benny Sevinger kier hiba Aruba esta den un fase pa pasa den un berguensa nacional momento pa promer biaha den historia un Gobernador mester huramenta un persona cu mannan “geboei”. Only in Aruba!
