Faltando 6 luna pa yega su pensioen a mande school back bay traha -- ORANJESTAD (AAN): Parlamentario Endy Croes a mustra cu e ta sigui e desaroyo den AVP basta di cerca.
Por a tuma nota desde cu AVP a entrega lista 7 di mei ultimo tabata tin diferente candidatonan palanca di AVP bastante rabia. Alaves e informacionnan interno di AVP cu tabata sali riba caya momento cu nan tabata preparando nan lista tabata papia palabra kla cu nan tabata tin hopi pleitamento.
AVP ta e Universidad di corupcion: Algo cu e candidatonan hoben a bringa duro tabata pa Benny no aparece riba lista. Como cu Benny lo crea un mancha scur irreparable segun e hala di hobennan cu toch kier purba drecha imagen di AVP. Sinembargo e doñonan di AVP hunto cu Henny y Mike a dicidi otro. Pues e regreso di Benny na number 29 tabata e promer pilder amargo cu mester a worde traga pa e candidatonan young.
Den pueblo AVP ta keda cu e apodo Universidad di Corupcion. Kizas ta pa e motibo aki professor Rycond Santos do Nascimento a escohe pa AVP? Rycond kier ta na un Universidad? E tambe kier contruibi den un kring di mafioso y purba haci malpractica legal? Esey ta keda pa su persona contesta.
Marlon Sneek matrata pa Mike Eman: Mike Eman a maltrata Marlon Sneek na un manera incomprendibel. Den tur partido Bo tin algun soldat. Marlon Sneek a fungi como e “soldachi” di AVP pa hopi aña y desde October 2009 ta den Parlamento defendiendo AVP den bon y den malo.
Hasta Marlon Sneek a complase Mike Eman pa bin cu un ley den Parlamento cual gobernador nunka a firma despues y asina a bringa pa Paul Croes, ex-minister di AVP, keda cobra salaris di Minister ciendo e tabata sera den KIA na Santo Patia. Tur e berguensanan aki pa un pais decente Marlon a cumpli cunan riba ordo di Mike Eman.” Prohibi pa lubida”.
Durante a traha lista Mike Eman enbes di recompensa Marlon Sneek y reconose su actitud di ta soldat di partido den bon y den malo a hise bente na number 10. Asabiendo cu AVP nunka lo saka 10 asiento y pues cu Marlon Sneek lo no ta back. Marlon a trata na bringa pa e number di Mervin of Candelaria esta 6 of 7 pero no a logra esaki.
Tampoko a logra kita number 8 cu a bay pa Dr Selene Kock esun cu e apodo “halto halto halto mi ta bay”. Mike Eman a gaña Marlon pa e no preocupa pero AVP lo forma coalicion y Mike lo percura pa Marlon bira e proximo Minister di enseñanza. Wel Marlon a traga e pilder aki cu hopi dolor.
Awe e resultado y realidad a bati na porta unda pueblo a rechasa AVP cu 5.000 votos y pues AVP a cay atras cu 15 mil votos den dos elecion. Un total di 10 mil na 2017 y 5 mil na 2021.
Consecuentemente AVP a logra 6 asiento mas 1 restzetel y Marlon Sneek na number 10 riba lista ta fuera di Parlamento y probablemente su carera den politica a yega su final. Kico a duel Marlon mas hopi segun fuentenan cerca den partido? Marlon Sneek falta 6 luna den Parlamento pa e yega su “volle pensioen” esta cumpli 12 aña pa den futuro por cobra su pensieon completo. Wel esaki e no a logra y ta masha rabia internamente cu Mike Eman.
Marlon mester bay traha back como meneer di school. Mike Eman “willens en weten” a pasa Marlon Sneek un fastball y a escohe pa un “sospechoso” y of supuesto “criminal” pa drenta back Parlamento lagando Marlon Sneek cay cu su 336 votos y awor pafor di Parlamento. Segun siguidornan fiel di Marlon Sneek cu Dakota lo bay paga AVP pa esaki den e proximo elecion. Finalisando nos a compronde cu Marlon Sneek internamente ta hopi gehurt y mentalmente hopi kibra.
Despues di fungi como soldat desde 2009 kisas lo tabata oportuno pa por a honra Marlon Sneek cu number 6 di Mervin Wyatt Ras kende a bin di MEP y asina por a reconose Marlon pa su trabaonan como Lider di Fraccion y alaves yega na su pensioen. Pero riba decisionnan interno di un partido y e manera cu AVP ta evalua y aprecia nan propio hendenan ningun hende di pafor tin zeggenschap riba esaki. Esaki ta e cara di berdad di AVP!
