Gerlien Croes: Ningun candidato di Partido FuTURO a exigi number

ORANJESTAD (AAN): Diabierna atardi, Partido FuTURo a entrega nan lista di candidato na Conseho Electoral Aruba.

   Nan tin 10 candidato riba e lista cu ta bay traha pa Aruba, y ta cla pa e reto aki.  Riba su lista por mira tin Ministro Geoffrey Wever (a sali di RAIZ) cu awor ta na puesto number 2.  Tambe a mira e conocido director di Wit Gele Kruis, esta Gino Goeloe kende ta aparece na number 3.

   Gerlien a declara cu ora di traha lista, ningun candidato a bin cu exigencia pa ricibi tal number.  Pues e mes como lider por a traha e lista trankil.

   Gerlien a gradici tur esnan cu ta duna Partido FuTURo e sosten, y comparti nan pensamento pa duna Aruba esperanza cu e isla ta conoce un alternativa, un partido nobo cu ta representa contendio, cu tin profesionalnan cu e capacidad pa comparti e mensahe corecto cu Aruba, y no un politica di sensacionalismo.  Pesey a crea un sinergia di personanan cu conocemento y experiencia, y area di maneho tambe, y team cu ta sostene nan tin varios hurista y ingenieronan cu ta bin di areanan importante cu experiencia grandi cu Aruba mester di dje e momentonan aki.

LISTA DI FuTURo

1. Gerlien Croes.
2. Geoffrey Wever
3. Gino Goeloe
4. Ruthlyn Lindor.
5. Munzaninn Wever.
6. Gregory Ras.
7. Jeremy Erasmus.
8. Rondel Heyliger.
9. Ransela Lopez.
10. Omar Quandus.