AVP a presenta un lista di transicion lidera pa e hoben Wendrick Cicilia

Sorpresa grandi di Diabierna

• Mike Eman mes a bay na #29 

ORANJESTAD (AAN) Un sorpresa, algo inespera!  Esey ta ora cu Mike Eman a presenta na Conseho Electoral Aruba cu un lista... riba cual e mes no ta riba puesto No. 1.

   Banda di dje tabatin e hoben Wendrick Cicilia, y e tabatin su nomber poni na puesto number 1.   Mike Eman mes a wordo poni na posicion #29 riba e lista.

   Mike Eman a trece dilanti cu esaki ta un dia historico pa AVP, pasobra nan a cambia e lista di candidato y a nombra como lider di e partido berde cu cual ta cuminza un etapa nobo pa Aruba. AVP lo worde lidera pa e candidato nobo, e hoben Wendrick Cicilia. Eman a expresa cu nan a bolter AVP y nan ta bay bolter Aruba.

   E decision a worde tuma Diahuebs, den e partijraad di AVP e prome empuhe a worde haci, pa nan tin un lista di transicion, y a pone Wendrick. Y ora el a lanta para contento cu #2 y a bisa cu e ta stima e partido aki, y ta stima Aruba, a ripara cu e ta cla pa guia e partido y e pais.

   Y ora a pone pa trece un cambio den nos pais, a asumi responsabilidad tambe pa cana e caminda aki cu hechos, y a dune e liderazgo di AVP. E hoben Cicilia a entrega e lista historico, manera el a bisa y a remarca cu AVP ta un partido cu semper a haci historia. Cicilia expresa cu e no ta para su so pero banda di su lider Mike Eman.

   Partido A.V.P. (Arubaanse Volkspartij) a worde funda na 1942. A participa na 28 eleccion. Lidernan di partido tabata J.HA. Henny Eman, Cornelis Shon A Eman, Dominico Gusman Croes, Rudy Frank, Chibi Croes, Henny Eman, Tico Croes, Mike Eman, y awor a bira Wendrick Cicilia. Den eleccion di 2021 a logra 18.335 voto.