Parlamentario Evelyn Wever-Croes:
Mientras nan a stop e proyecto di e gobierno anterior, nan no a bin cu otro alternativa
ORANJESTAD (AAN): Den conferencia di prensa semanal di Fraccion di MEP den Parlamento, Parlamentario Evelyn Wever-Croes a trata e situacion di e Planta di Purificacion di Awa na Bubali y e compania Aruba Wastewater Sustainable Solutions (AWSS N.V.). E Parlamentario a expresa cu durante su gobernacion, esaki tabata un di e problemanan urgente cu Gabinete Wever-Croes mester a atende cu ne.
E nivel di awa na Bubali plas tawata causa un molester hopi grandi como tambe e holor desagradabel cu tawata sali cu tabata expande den un gran parti di e area. Segun Parlamentario Wever-Croes, su gobierno a aloca hopi placa pa purba remedia e situacion. Na ultimo, a aloca 16 miyon florin pa drecha e problema den profundidad. Sinembargo, no cu un planta nobo cu lo a costa mucho mas,
Segun e Parlamentario, e tempo ey. CAFt a forsa e gobierno pa kita e placa ey pa paga debe. Hasta nan a amenasa e gobierno cu un aanwijzing y bou di e presion ey, e gobierno a kita e placa pa drecha e problema aki y e gobierno a bay busca otro solucion.
Como e Prome Minister e tempo ey, a institui un comision di profesionalnan di Aruba, guia door di ex-minsternan Ursell Arends y Glenbert Croes. Den un periodo cortico di tres luna, nan a presenta e proyecto cu solucion na Gobierno di Aruba. Esaki. Segun e parlamentario, tawata un solucion caro pero tabata un solucion cu pa hopi tempo tabata wardando riba dje cu hopi urgencia.
Mientras cu e tempo ey, CAFt no tabata permiti e gobierno algo otro, a bin cu e solucion pa privatisa e planta di purificacion. E compania AWSS N.V. a keda institui na 2024 despues cu Parlamento a aproba cu un mayoria y a aproba e fondonan cu lo bay genera cu entrada di turista na nos pais.
AWSS a presenta e plan pa remedia e problema di holor inmediatamente y riba termino medio y largo, bin cu un planta nobo, caminda cu e problema aki den su totalidad lo keda soluciona pa semper. Sinembargo, Parlamentario Wever-Croes a remarca, a bin cambio di gobierno y e gobierno actual no a continua cu e proyecto.
El a remarca cu CAFt a recomenda gobierno actual pa no sigui cu fiansa caro asina cu AWSS kier a cera. Sinembargo, e gobierno actual a stop e proyecto sin bin cu un otro solucion of alternativa. Pero e hecho ta keda cu mientras ta gaba cu no ta presta placa cu ta costa interes, ta mata e pilar turistico di Aruba.
El a conclui e tema aki bisando cu Fraccion di MEP ta preparando preguntanan, lo yama e Gobierno pa bin den Parlamento pa duna cuenta di e plan di solucion cu nan tin. Segun e, gobierno aki falta e sentido di urgencia pasobra no ta mustra cu nan ta sinti cu esaki ta un situacion di urgencia y ta importante pa haya prioridad.
“Esaki ta loke mi kier cambia den e reunion publico cu lo tuma luga den Parlamento. Ya nos a reuni cu diferente Stakeholder pa conoce nan pensamento y pa talves forma un frente uni pa soluciona e problema aki.
