Dennerich Kelly a huramenta Diaranson como Parlamentario nobo pa AVP

ORANJESTAD (AAN): Despues cu a bira conoci cu Sonaly Acosta a entrega su asiento den Parlamento,

pa asina bay funciona como consehero di Ministro Mervin Wyatt-Ras, a dicidi na check e lista di AVP pa mira kende awor ta na turno pa drenta Parlamento.

   Esun siguiente den lista tabata Dennerich Gerdan Kelly, mihor conoci como ‘Denchi’, kende den eleccion aña pasa a aparece na #13 riba e lista di Partido AVP.  E tabata tras di Jonathan Hart cu ta na #12 di e lista.  Sonaly Acosta mes tabata na #8 di e lista.

   E proceso aki a bay rapido, y ya caba Diaranson na cas ceremonial di Gobernador Alfonso Boekhoudt, a tuma lugar e huramentacion di Kelly.  Na e ocasion aki, mayoria di fraccion di AVP tabata presente, incluyendo President di Parlamento, Ministro Wendrick Cicilia, y tambe Prome Ministro Mike Eman.

   Kelly ta conoci como persona den mundo di medicina, a funciona como Paramedico, y tin hopi atencion riba aspect di Salud Mental.  DIARIO ta desea Dennerich Kelly tur exito.