ORANJESTAD (AAN): Aunke Conseho di Supervision di Stichting Sportsubsidie Aruba (SSA) mes ya caba riba Diaranson 24 di September a entrega keho oficial na LandsRecherche di loke a socede,
ata Diahuebs 25 di September, un parlamentario di AVP tambe a entrega na Ministerio Publico un denuncia contra malversacion di fondo publico.
AVP a indica cu nan a bin ta sigui e desaroyonan y a sinti e responsabilidad di moral, como ciudadano y como representante di pueblo, pa tuma carta den e asunto. Segun AVP, obviamente, no ta algo cu por laga e minister encarga, haci ya cu esey no lo pasa nunca.
Segun AVP, Ministro awor encarga cu Deporte mes a admiti cu placa a perde y den mesun rosea a tribi di bisa cu e sospechoso “ta un persona bon studia y cu e curason na e luga corecto.”
Mientrastanto por mira e dolor cu hopi deportista ta pasa pa yega na fondo. E situacion aki tin hopi dirigente deporte indigna. Segun AVP, mescos cu a yega di sosode den pasado, Ministerio Publico no mester a warda te ora un hende haci denuncia, pasobra prensa local a publica suficiente prueba pa cuminsa un investigacion riba nan mes. Por ehempel, tin rapport di ARA cu ta mustra riba e hecho cu e directiva di e fundacion no a tene nan mes na regla y cu esey caba, OM mester a cuminsa un feitenonderzoek.
AVP ta papia di decadencia cu tin riba e pais. MEP ta bolbe mustra cu lo haci su maximo esfuerso pa proteha su hendenan. Tin precedente den e diferente gate, manera rijbewijs, paspoort y vacuna caminda tur hende, na luga di haya castigo, a haya recompensa.
