Vehiculo a dal contra baranca y kenter riba WVB Boulevard

ORANJESTAD (AAN): Yamadanan a cuminza drenta Diasabra anochi, pa indica cu riba WVB Boulevard for di Wayaca bay panort pa Cumana,

un vehiculo Ford EcoSport color blanco cu number A-57983 a accidenta, y cu hendenan a mire dal contra un baranca canto di caminda, y despues kenter net pabao di Cmart, pues como 100 meterpazuid di rotonde Cumana.

   Algun automobilista a stop, y a mira cu e chauffeur femenino ta kehando di dolor den e vehiculo, y pesey nan a dicidi na uni forza, y nan a bolter y pone e vehiculo bek riba su cuatro wielnan.  Sinembargo a bin nota cu algo a kibra y tin hopi gasolin bashando riba caminda.

   Esey ta motibo ora cu Ambulans y Polis a yega, nan no por a haci nada pa yuda e señora pasobra e peligro di gasolin ta grandi cu por tin un explosion.  Mesora a core pidi refuerzo di Cuerpo di Bombero.

   Na stuur tabatin un señora kende a caba di traha na Pricesmart y tabata bayendo su cas.  E vehiculo pa un of otro motibo a bay na su man drechi y termina riba un baranca canto di caminda.

   Ora cu bomberonan a presenta, prome cos cu a haci ta desconecta e bateria, y prepara nan slangnan pa cualkier caso.  Asina Paramediconan por a yuda e señora sali y poco-poco a subi e brancard. E señora tabata keha di basta dolor y a wordo hiba rumbo Servicio di Emergencia na Hospital.

   E via aki di WVB Boulevard a wordo cera parti zuid altura di Kooyman, pa asina dos unidad di Brandweer por a atende hunto cu demas personalnan di emergencia.  Polis di trafico tambe a presenta pa atende e situacion.