Tres polis a termina estudio di liderazgo TOL-C cu exito

Despues di algun luna intensivo

ORANJESTAD (AAN):   Tres agente policial a sigui estudio specialisa di liderazgo yama TOL-C. Un estudio avansa y pisa na unda nan tabata determina y a aplica pa asina desaroya nan capacidad. E meta di Cuerpo Policial Aruba ta pa inverti den e agentenan policial pa nan por sigui desaroya nan habilidad y conocimiento pa e organisacion policial. Formando lidernan hoben nobo y cu un vision fresco pa carga e generacion nobo cu lo hiba KPA padilanti.

            E estudio di liderazgo tabata bou direccion di docentenan Academia Policial Hulandes y cu e estudio final a tuma lugar na Corsou. Conhuntamente cu diferente Cuerpo den regio e estudio aki a wordo realisa pa asina duna oportunidad pa desaroyo nobo y hisa e nivel den e cuerpo.

            Masha pabien na e tres coleganan cu a traha hunto pero tambe na e docentenan cu a haci e trayectoria di guia nan den e proceso riba nivel halto pa asina nan por termina nan estudio exitoso!