Tres ocupante di auto deteni riba caminda na Piedra Plat  

ORANJESTAD (AAN): Diamars anochi pa mas o menos 9:00 pm, un patruya atento di Polis a stop un auto sedan Mitsubishi Lancer color blanco,

riba e caminda net pabao di Bright Bakery na Piedra Plat.  Den un frega di wowo, mas oficial di Polis a yega eynan pa refuerzo.

   Den e auto cu tinted windows, tabatin 3 ocupante.  Polis a obliga nan tur pa baha, y a cuminza rista nan.

   Tur esaki a socede, debi cu informacion a circula cu mas trempan den dia, e esnan den e auto aki a menaza hende cu morto den area di Paradera.  Pesey henter dia, Polisnan tabata sigui rond pa check si por topa cu e auto.  Ta te Diamars anochi autoridad ta localisa e auto aki y stop’e.

   Durante cu tabata controla den e auto, a bin topa cu un arma di candela, y esaki lo tabata den e paña color scur y polis a pone esaki den patruya.

   A solicita pa Vehiculo di Transporte pa bin busca e detenidonan, y tambe a pidi yudansa di team forensico di BFTO pa check e arma y demas potoshi cu tin den e bahul di e auto.  No ta conoci kico exacto a topa cu ne den e bahul.

   Departamento di BFTO a analisa e arma, y a resulta cu e agentenan na e sitio no a pone tino cu e arma di candela tabata falso.

  Awor Recherche ta investigando e caso, relaciona cu e caso di serio di menaza cu morto.