Tres docente di Cuerpo di Polis a bay Miami pa entrenamento intensivo di “rijvaardigheid”

ORANJESTAD (AAN):   Cuerpo Policial a duna di conoce cu 3 docente (IBT-ers) di KPA Aruba a viaha pa Miami pa un entrenamento intensivo di dos siman di “rijvaardigheid”.

• 
•  

            E entrenamento lo tuma lugar na Miami Dade Institute na Merca. Esaki ta un cooperacion entre Miami Dade Institute y e otro cuerponan di polis den region. E cooperacion a surgi despues di bishita di trabao entre altocomisarionan y e instituto. Altocomisario di Cuerpo Policial Aruba drs.Ramon Arnhem ta masha contento y satisfecho cu e acuerdonan haci y specialmente pa e perspectiva pa nos coleganan di Cuerpo Policial Aruba.

            “E cambio aki ta forma parti di e strategia nobo di e organisacion di nos Cuerpo, na unda desaroyo, sentido y profesionalismo ta central. Nos lo wak mas di e desaroyonan aki pa cu nos coleganan den e tempo nos dilanti” altocommisario a declara.

            Altocommisario a bay personalmente na aeropuerto pa desea e coleganan tur clase di exito pa cu e curso aki, prome cu nan a subi avion.