ORANJESTAD (AAN): Dialuna merdia altocomisario drs. Ramon Arnhem a desea un colega di Cuerpo Policial Aruba exito pa cu e curso cu e ta bayendo di un periodo di 6 luna na Abu Dhabi.
E polis lo participa na un programa special internacional caminda lo desaroya riba liderazgo, tacticanan policial y cooperacion internacional cu ta central.
Na e curso aki polisnan di tur parti di mundo lo participa. E curso en cuestion a surgi den colaboracion cu Interpol. “E seleccion tabata uno hopi pisa y ta un oportunidad sumamente grandi pa nos Cuerpo y e colega selecciona.
E agente lo haya hopi conocimento y conexionnan internacional y lo trece tur su conocimento adkiri pa Cuerpo Policial Aruba. Pero pa e mes lo ta experencia unico pa su desaroyo personal y profesional.” Tabata palabra di altocomisario drs. Ramon Arnhem.
Cuerpo Policial Aruba ta desea e colega tur clase di exito pa cu e curso intensivo aki.
